མ་ལྷོ་བྲག་པ་ཆོས་འཛོམས་དང་ཕ་ཆོས་དབྱིངས་རིན་པོ་ཆེའི་སྲས་ཆེ་བ་རིག་འཛིན་རྒྱ་མཚོ་གཉིས་ཀྱི་བུར་འབྲུག་ཏུ་འཁྲུངས། དགུང་ལོ་བརྒྱད་ནས་༸སྐྱབས་རྗེ་ནམ་མཁའི་སྙིང་པོ་རིན་པོ་ཆེའི་གྲྭ་ཚང་འབྲུག་བུམ་ཐང་མཁར་ཆུ་དགོན་དུ་ཆོས་སྒོར་ཞུགས། དེ་རྗེས་1985ལོར་ནམ་སྙིང་རིན་པོ་ཆེ་དང་ལྷན་དུ་རྒྱ་གར་བྷིར་རྫོང་སར་བཤད་གྲྭར་བསྐྱོད།
མཁྱེན་ཡངས་ལྷག་བསམ་གྱིས་ཕྱུག་པའི་རྒྱལ་ཕྱི་ནང་ཀུན་ལ་བཞུགས་པའི་འཕགས་ཡུལ་དཔལ་རྫོང་སར་བཤད་གྲྭ་ཆོས་ཀྱི་བློ་གྲོས་ཀྱི་མཁན་སློབ་རྣམ་པས་དབུས་པའི་དད་ལྡན་ཡོངས་ཀྱི་སྙན་དབང་ཟབ་མོར། ཞུ་གསོལ། གསལ་བསྒྲགས་སྔོན་སོང་ལྟར། སྤྱི་ལོ་ ༢༠༡༨ ཟླ་ ༡༡ ཚེས་ ༦ ནས་ ༡༥ བར་ རྫོང་སར་སྨོན་ལམ་ཆེན་མོ་གནས་མཆོག་རྡོ་རྗེ་གདན་དུ་འཚོགས་གཏན་ཁེལ་བ་བཞིན།
༧སྐྱབས་རྗེ་ནམ་མཁའི་སྙིང་པོ་རིན་པོ་ཆེ་མཆོག་ནི། འབྲུག་ཤར་ཕྱོགས་བཀྲ་ཤིས་གཡང་རྩེ་སྟོང་ཞང་ཁྲུས་དགོན་ཉེ་འདབས་རྟོགས་དཀའ་ཕུ་ཞེས་པར་སྤྱི་ལོ་༡༩༦༦ལོར་ཡབ་ཚེ་རིང་རྒྱལ་མཚན་དང་། ཡུམ་ཤེས་རབ་བཟང་མོའི་སྲས་སུ་སྐུ་བལྟམས། ཀརྨ་པ་བཅུ་དྲུག་རིག་པའི་རྡོ་རྗེ་མཆོག་གིས་ངོས་འཛིན་དང་འབྲུག་གཞུང་གིས་ཀྱང་རྩོད་མེད་དུ་ཆ་འཇོག་མཛད།
དེ་རིང་སྟེ་སྤྱི་ལོ་ ༢༠༡༨ ཟླ་བ་ ༠༦ ཚེས་ ༠༥ འཛམ་གླིང་ཁོར་ཡུག་ཉིན་མོར། འཕགས་ཡུལ་རྫོང་སར་བཤད་གྲྭ་ཆོས་ཀྱི་བློ་གྲོས་ཀྱིས་ “ཁོར་ཡུག་གཙང་མ་བཟོ། ཧི་མ་ཅལ་གཙང་མ་བཟོ།” ཞེས་པའི་འབོད་ཚིག་གི་འོག་ཏུ་བཤད་གྲྭ་ཆགས་ཡུལ་ས་གནས་ཅཱོན་ཏ་རའི་ཁོར་ཡུག་ཡོངས་ལ་གཙང་བཟོའི་ལས་འགུལ་སྤེལ་ཏེ་འཛམ་གླིང་ཁོར་ཡུག་ཉིན་མོ་སྲུང་བརྩི་ཞུས་ཡོད་པ་རེད།
སྤྱི་ལོ་ ༢༠༡༨ ཟླ་བ་ ༠༥ ཚེས་ ༠༥ ཉིན་སྐྱབས་རྗེ་བདེ་བར་གཤེགས་པ་མཁན་ཆེན་ཀུན་དགའ་དབང་ཕྱུག་དགོངས་པ་ཆོས་དབྱིངས་སུ་ཐིམ་ནས་མི་ལོ་བཅུ་ཧྲིལ་པོར་འཁོར་བའི་དུས་དྲན་ཁྱད་པར་ཅན་ཁེལ་བས། འཕགས་ཡུལ་རྫོང་སར་བཤད་གྲྭར་བཤད་གྲྭའི་འདུས་མང་ཡོངས་དང་། ཕྱོགས་མཐའ་ཁག་ནས་ཕེབས་པའི་མཁན་རིན་པོ་ཆེའི་དངོས་བརྒྱུད་ཀྱི་སློབ་མ་དང་དད་ལྡན་མི་མང་ཚང་མས་མཉམ་འཛོམས་ཐོག་ཉིན་གཉིས་ཀྱི་རིང་དགོངས་རྫོགས་མཆོད་འབུལ་ཟབ་རྒྱས་ཞུས་པ་དང་།