བསམ་འགྲུབ།

པོ་བསམ་འགྲུབ།

༄༅། །སྤྱི་ལོ་ ༡༩༧༥ ལོར་འཁྲུངས། སྤྱི་ལོ་ ༡༩༨༦ ལོར་རབ་ཏུ་བྱུང་ནས་འབྲི་ཀློག་དང་འདོན་ཆོག་སྐོར་སྦྱངས་ཤིང་སྐབས་སྐབས་སུ་བསྙེན་མཚམས་ལ་ཡང་བཞུགས། སྤྱི་ལོ་ ༡༩༩༣ ལོར་༸སྐྱབས་རྗེ་ཀླུ་ལྡིང་མཁན་ཆེན་སྐུ་མདུན་ནས་ལམ་འབྲས་ཞུས། སྤྱི་ལོ་ ༡༩༩༤ འཕགས་ཡུལ་རྫོང་སར་བཤད་གྲྭར་སློབ་ཞུགས་བྱས་ཏེ་སྤྱི་ལོ་ ༢༠༠༣ བར་གཞུང་ཆེན་བཅུ་གསུམ་སྔགས་དང་བཅས་པར་ཐོས་བསམ་མཐར་ཕྱིན་པར་གནང་ཞིང་། དེ་དག་གི་རིང་གུང་སེང་གི་སྐབས་སྐབས་སུ་༸སྐྱབས་མགོན་༸གོང་མ་ཁྲི་ཆེན་རིན་པོ་ཆེའི་མདུན་ནས་རྒྱུད་སྡེ་ཀུན་བཏུས་དང་ལམ་འབྲས་སོགས་དབང་དང་ཁྲིད་ཁ་མི་ཉུང་བ་ཞུས། ༸སྐྱབས་མགོན་༸གོང་མ་བདག་ཆེན་རིན་པོ་ཆེའི་སྐུ་མདུན་ནས་ཀྱང་ལམ་འབྲས་ཞུས།

སྤྱི་ལོ་ ༡༩༩༩ ནས་སྤྱི་ལོ་ ༢༠༠༡ བར་འཕགས་ཡུལ་རྫོང་སར་བཤད་གྲྭའི་རིག་གནས་རྒན་མཛད། སྤྱི་ལོ་ ༢༠༠༢ ནས་ཕྱི་ལོ་ ༢༠༠༣ བར་སྐྱོར་དཔོན་དང་སྤྱི་ལོ་ ༢༠༠༤ ནས་འདི་ལོ་སྟེ་སྤྱི་ལོ་ ༢༠༡༧ བར་དཔེ་ཁྲིད་གནང་དང་གནང་མུས་ལ་སྤྱི་ལོ་ ༢༠༠༨ ལོར་༸སྐྱབས་མགོན་༸གོང་མ་ཁྲི་ཆེན་རིན་པོ་ཆེའི་མདུན་ནས་མཁན་པོའི་ཕྱག་འཁྱེར་ཐོབ་ཅིང་། སྤྱི་ལོ་ ༢༠༡༦ ནས་༸སྐྱབས་རྗེ་རྫོང་སར་མཁྱེན་བརྩེ་རིན་པོ་ཆེས་འཕགས་ཡུལ་རྫོང་སར་བཤད་གྲྭའི་ལས་ཐོག་མཁན་པོ་རུ་བསྐོས་ཏེ་ད་ལྟ་རྫོང་སར་བཤད་གྲྭའི་ལས་ཐོག་མཁན་པོའི་འགན་ཁུར་བཞིན་པ་བཅས་སོ། །

བསམ་ཚུལ་ཕྲིས།

སྐུ་ཉིད་ཀྱི་གློག་འཕྲིན་ཁ་བྱང་གཞན་གྱིས་མཐོང་མི་ཐུབ། སྐར་རྟགས་ཅན་རྣམས་ངེས་པར་དུ་སྐོང་དགོས། *